猶如一座小型博物館!余文樂個人頻道開啟,大曬台灣豪宅與工作室,引發網民熱議

上個月,余文樂的新個人頻道正式開啟,他表示希望能夠將自己工作之餘的喜聞樂事與大家共同分享。在週二上午會定時更新。今日,余文樂又曬出自己的2.8億嘅豪宅及工作室,引發網友熱議!

余文樂上個月開設YouTube個人頻道《Inside Out》,希望分享熒幕以外最真實嘅自己予觀眾,逢星期二上午11時更新一集。日前(26日)首播嘅一集,余文樂就公開喺臺北價值台幣2.8億嘅豪宅及工作室,大曬簡約裝與藝術品名畫,不過內地網民卻指余文樂移居臺北後連講嘢都有種「台灣腔」,紛紛留言狠批。

喺影片中,余文樂先摣住一架價值約3萬5千港元嘅SUPER73電動單車,及後公開工作室,裡面擺放唔少潮物潢佈置、藝術品名畫同埋古董傢俬,連同地庫休息室均擺滿一堆潮鞋及其品牌製作嘅服裝,猶如一個小型博物館。余文樂就分享休息室係想營造一個可以休息互動嘅舒適環境,就連之前隔離都係住呢到。佢仲指自己有強迫症,又認為自己有病:「我是那種別人碰過我的東西我都會知道的人。」就好似見到之前喺搬運過程中磕到破損嘅椅子,余文樂都會感到心痛。

另外,余文樂帶觀眾參觀佢同太太王棠雲位於臺北市中正區嘅豪宅,除咗同囝囝Cody玩玩具車,仲影到王棠雲為余文樂打點拍攝事宜,余文樂講笑咁話太太係助手又取笑佢素顏:「平時大家在照片看到的都是騙人的。」內地網民似乎未有對佢兩公婆溫馨畫面及工作室、家居裝潢感太大興趣,反而留意到余文樂講嘢台灣腔超嚴重,仲喺微博留言:「聽得好難受啊,好想扁你啊」、「這種人為什麼微博還不封禁?」、「台灣住久了台灣腔現在這麼重…」、「定居台灣省,不再拍戲了?」及「香港人拿他當中國人,中國人拿他當gd,台灣人懶得搭理他。」等等,不過亦有部份網民指好喜歡呢種題材。

用戶評論